嫩噏:武俠小說好老餅?學生最愛書種...

作者:STEPHANIE    發表日期:2017-06-03 10:50:01

不少人在學時期都對武俠小說非常着迷,打鬥情節、招式都可倒背如流,更會互相交流喜歡的角色人物。早前香港公共圖書館公布2016年書籍借閱排行榜,其中中文小說類中頭七位都是武俠小說。武俠小說受歡迎程度是否跨世代,而這陣狂潮又能否蔓延至現今的中學生呢?

「武俠小說應該係爸爸媽媽睇喎,我未睇過呀,啲同學都好少提起。」中四的劉同學尷尬地說,「我哋好少睇呢啲小說,我自己就會睇Percy Jackson(波西傑克森)呢啲科幻小說,都係翻譯小說多。」而上網看電子書亦是新生代的閱讀習慣,「唔會借書啦,特登落樓都好唔方便,上網睇電子書先方便」。

女生又會否看武俠小說呢?同是中一的伍同學和李同學都耍手擰頭,更怕醜地指自己看漫畫及愛情小說較多,但並非個個女生都是這樣,中四的李同學就指,「我就鍾意睇偵探小說㗎,刺激啲嘛」。中六的何同學都指,平時生活苦悶,看科幻小說可以調劑一下。

正所謂「書中自有黃金屋」,不單是小說,亦適用於「Past Paper」,即歷屆公開試的試題。中四的陸同學表示試題非常受歡迎,「成日都借唔到㗎,得好少,有梗係要借啦」,中四的同學已開始備戰DSE,而小說又會是她們的選擇嗎?陸同學就直言,「唔睇小說,好似無咩得着,仲有啲嘥時間。」

被問及會不會到公共圖書館借書,而上一次借的又是哪本書?中五的吳同學思考了兩秒,斬釘截鐵地指,「我唔睇書,唔睇咪唔睇,冇咩點解,我鍾意做運動多啲」。人各有志,同學都利用復活節假期做運動,而採訪當日正是他前往籃球場的途中。其實看書的形式和習慣也隨時代改變,有人喜歡看萬卷書,有人喜歡行萬里路,都一樣可以得到自己想要的。

-----------------

《魔法軍團Z》創新自由組裝機械人大戰!

日系機甲戰棋手機遊戲《魔法軍團Z》好評配信中!

遊戲下載:http://s.gameone.com/fYw4ilj


本文來源:http://hk.on.cc/hk/bkn/cnt/news/20170422/bkn-20170422060046984-0422_00822_001.html




Tag:
本文鏈接:http://www.yoga-point.com/12002.html