上年8月威力十足嘅颱風「天鴿」，唔知仲有幾多人記得呢？除咗香港要掛十號風球之外，對澳門、珠海更加係造成嚴重破壞，唔知今年會唔會有另一個天鴿出現？不過每次有颱風出現，最重要係天文台處理得好，準確預報先可以有效降低傷亡。所以天文台台長岑智明都唔敢怠慢，最近仲飛咗去英國探望已退休嘅前天文台台長John Peacock(費慤)，互相交流下心得咁話！
岑智明話同費慤合共包辦咗6個十號風球，當中岑智明處理嘅「天鴿」都未算最強勁，1983年由費慤處理嘅強烈颱風「愛倫」先係首屈一指，除咗風速比「天鴿」更加快之外，仲喺香港掛咗8個鐘十號風球，比「天鴿」嘅5個鐘仲要多！
兩人會面後，岑智明喺Facebook讚費慤身體壯健、頭腦清晰，睇嚟今次會面岑智明都應該獲益良多喇。
本文來源：http://hk.on.cc/hk/bkn/cnt/news/20180403/bkn-20180403165704387-0403_00822_001.html