阿旦解構司儀說話技巧 推介演說天書 教你學前英國首相邱吉爾講嘢 - 鄭丹瑞 Vlog #1 (CC中文)

Roll 哂日日困係屋企要睇咩都睇曬啦下嘛都開始悶悶地啦下嘛有冇睇下書啊我今次就想介紹一本書比大家去得閒打發下而且係對你哋好有用呢本書對於任何想講嘢講得好啲嘅要面對群眾必須要面對群眾嘅你都好有用嘅我曾經都係藝員訓練班校長啦當日我點解要做呢件事呢咁我當然去教啲年輕人啦咁憑咩啊鄭丹瑞你其實我有幾個身份嘅我係一個電台主持啦我係一個演員啦我係編劇啦我係導演我係監製所以我覺得我可以喺唔同嘅角度去幫一個演員去睇下佢哋自己應該點樣去面對演技呢樣野咁今日唔係講呢樣野今日講另外一個身份就係咁其實除咗我係電台主持數漏一樣嘢我係主持呀嘛我係司儀呀嘛咁於是呢我就都有教我好多大眾一啲高層單對單又好一對十又好一對一千都試過呢就係教佢哋說話嘅技巧講說話好緊要尤其是你要令到人哋相信你講嘅說話同意你講嘅嘢共鳴係好重要嘅喺一啲時勢好似依家咁嘅時勢呢任何一個面對住鏡頭要講嘢比人聽我唔理你係邊位其實你一定要令到大家聽完之後想點先想聽咗之後哦.我定啲嘩.我好驚定係點樣樣呢咁呢
其實呢我成日都攞住一本天書去同大家分享咁呢本書呢喺網上訂到架啦我好建議個啲需要對住鏡頭講說話畀好多百萬人聽嘅高層高官我覺得你哋每人呢我希望你哋都睇過呢本書啦嚇如果唔係嘅話我建議你哋睇嚇呢本書呢個人James C. Humes你話佢勁又唔係唔勁又唔係因為佢曾經幫五屆嘅美國總統寫過佢哋嗰啲總統嘅發表講話佢哋個啲講話呢呢位Humes寫嘅我先講佢第一句啊佢係個介紹嗰度第一句Leadership
is sellingand selling is
talking即係你係領導人呀嘛你做領導人要講野你其實係賣嘢呀嘛你去賣你自己講野俾人聽呀嘛咁賣嘢點樣賣呀咪講嘢囉講到令大家説服囉我哋好多時呢會將好多情緒嘅你都唔鍾意聽我我又唔鍾意講嘢俾你哋聽咁你叫我我咪黑口黑面講嘢囉係咁㗎啦鍾意就鍾意聽唔鍾意就唔好聽囉你會咁樣做㗎好多我見過好多好多一啲就係你用自己嘅情緒去賣但係你要記住你自己係要賣緊比大家嘅時候呢你唔係用緊你自己企上台上面嗰個就係一個銷售員即講棟篤笑嘅子華、阿Jan佢哋喺台下我識嘅阿Jan不苟言笑我識嘅子華其實都係真係好細聲咁傾計但上到台上面佢要講每一句你都要有反應有反思呢個就係台下同台上嘅唔同呀嘛當你每一次對住鏡頭對住人群嘅時候你就係嗰個銷售員嚟㗎嘛你要賣咩先你要賣俾大家定啲黎咁你唔會係驚咩姐你依家有乜好驚啊咁係冇意思㗎咁所以呢我好希望即係呢本書可以幫到大家呢本叫speak like churchill大家知唔知道邊個係Churchill 啊邱吉爾呢個係我偶像嚟㗎講嘢似佢冇得頂似佢一成都冇得頂呀OkStand
like Lincoln林肯林肯你知道佢幾高嘛昂藏七尺啊企喺度 嘩.真係巨人咁樣咁呢本書嘅意思就係話你如果可以企喺度好似一個巨人好似林肯咁
嘩.即係我哋個個都要仰望然之後講起嘢嘅時候好似邱吉爾咁樣講嘢咁你我好難搵好多例子大家自己返去搵邱吉爾你上網搜尋佢就知佢係邊個大家就知鍾意想學呢個說話技巧呢你唔去搵邱吉爾嗰啲呢你唔好去學啦其實你都未入門咁呢本書呢就叫做21 Powerful Secrets
ofHistory's Greatest Speakers佢就將歷史上最叻嘅講說話致詞公開演說嘅歷史上嘅人物最偉大嘅人物嘅二十一種技巧我教訓練班我教一啲想公開演講嘅人呢其實我都叫佢哋一定要擁有呢本書我本人呢就最怕係咁樣嘅叫你上台請你上到台你得個兩三分鐘咁你呢就攞住一張紙呢張咁嘅貓紙呢又唔係你寫嘅仲唔係你寫添喎一定係你唔知嗰啲下屬啊秘書呀咁就寫咗一張貓紙於是呢你就上台啦大家好我今日本人相當榮幸能夠出席呢一次嘅活動本人覺得呢個活動咁就死得啦係咪啊即係但係我見唔少我見唔少咁好啦我就好鍾意我成日參加呢啲活動嘅時候我唔鍾意睇佢因為我已經知道佢發生啲咩事我就睇嚇台下面啲人咁台下會點啊最親嗰班未喺度扮好留心啦後啲就開始打機啦有啲就望睇一睇個商場睇嚇呢個現場係點嘅樣啊最緊張嗰個咪就係寫比佢嗰個秘書企係佢隔離就係咁囉我成日都見到呢啲情景嘅我嘅偶像邱吉爾呢 曾經有過一個名言嘅咁就有一位佢嘅同事呢上台講完野咁就講完之後呢就落台啦落台之後呢咁佢就問邱吉爾餵
老友頭先我喺台上面講成點啊邱吉爾講咗三句一個經典嘅名句我發覺呢你未開始講嘅時候呢你其實唔知道自己將要講啲乜嘢我又發覺你開始對住大家講嘢嘅時候其實你又唔知自己講緊乜嘢到你講完啦當你落台嘅時候冇人知你講過啲乜嘢呢個真係大鑊啦咁即係冇講過野坦白講啦係我而家極目所及可以望到嘅成日都要企出嚟同群眾講嘢係鏡頭前面嘅一啲名人高官就唔理你係乜我都係覺得未合格咁但係而家喺呢個疫症嘅大家情緒咁唔穩定嘅時候大家咁多唔知咁多恐懼嘅時候我哋係好需要有人可以行出黎一錘定音可以用佢嘅說話用佢嘅語氣話俾我哋聽我哋點解唔使驚點解可以好鎮定咁唔使排住咁你哋唔好排啦無辦法㗎啦唔好咁講我好記得有一次呢為咗兌換一啲加幣嘩.冒住好大熱嘅天時周圍搵我自己嗰間銀行講緊好多年前啊十年八年前即係冇我唔識網上面個啲入數㗎嘛同埋我要換加幣呀嘛咁我就終於比我搵行到身水身汗衝入去我自己間銀行其中一間分行啦咁我就入去嗰陣時適逢就點零鐘咁然之後呢就係大家就企身望一望我見到我一身汗咁三十幾度企左係度咩事呀鄭生我話冇啊我想兌換啲加幣啫哎呀.負責嗰位同事出咗去食飯喎我心諗個位同事出咗去食飯關我咩事姐好啦佢就話佢呢就帶咗條鎖匙走咁我話你有冇其他同事可以幫到我因為我好急對唔住我幫你唔到嚇幫我唔到你真係萬萬不可咁呢啲就係好多時好多事會發生嘅事呢啲我就會拎出嚟講囉我去話俾大家聽講說話係幾重要你係賣 你係銷售員嚟㗎嘛你一定話得冇問題等我幫你搞掂佢一定攪得掂你係要話比佢聽俾啲信心佢對於任何要面對鏡頭嘅你哋都要畀到信心聽你講嘅人如果你畀唔到嘅話你又冇信心我作為一個就咁喺度睇嘅我仲驚啦咁我有咩辦法唔去排隊呀唔去搶嘢呀係咪呀好平㗎咋呢本書$142港幣咁而家最多未加價$150值得買嘅所有未來都需要面對嘅請你地都要擁有呢本書