【專訪】何俊賢成長之路|議會敢言,3歲定80?留學受歧視,我們不是東亞病夫!#1 政壇新秀

歡迎大家嚟到政壇新秀,我係梁思韻。咁仲有今日有我哋立法會議員,何俊賢先生。咁好高興同你做訪問因為好多觀眾好鍾意你唔好咁講知道你入咗立法會,做咗兩屆議員。差不多,差不多了。
今日大家都會對你有所認識, 就喺好多畫面上,見到你好敢言啦。對嗎?哈哈,敢唔敢言呢,其實我們講道理啫。
有好多人話我鬧佢地,其實我唔係鬧佢哋,我講道理。咁你調返轉,佢嗰啲就真係鬧啦,而且係鬧得冇道理。有時我覺得我哋可能喺立法會中,過去嘅嗰種模式, 係希望個議會能夠,真係好有效咁過咗某啲議案。
所以如果我哋多講嘢嘅話,反而會令到跌咗落佢個陷阱嗰度。拉布。咁其實呢一樣嘢,我哋覺得反正佢哋都係拉布, 我哋點解唔有效嘅時間宣揚我哋嘅理念呢。
系吖。 就等個社會唔係淨係得一種聲音,而家我哋改變咗。明白,咁各位觀眾如果大家都好鍾意何俊賢喇,咁想佢多啲上嚟我哋嘅節目嘅話呢,咁記住去like啦,subscribe啦,開埋個鐺鐺啦,
留言畀我哋啦,仲有呢就多啲分享我哋呢條片出去。咁喺我哋而家做呢個節目之前呢,我呢就做咗啲少少調查,睇下你啲資料啦。咁我喺度諗會唔會你呢個口才,係由細到大練返來呢?我知道原來你細個上過閃電傳真機嘅節目。
嘩,你咁都知。係呀,咁知道你呢,仲要係咪計數定係一啲表演?嘩,你啲資料喺邊度搵返嚟㗎,畀你殺個措手不及喎。
我特登之前唔同你夾就是咁解。咁仲知道你贏咗當其時嗰個比賽,其實係咪已經細個, 3歲定80,已經斷定你嘅口才係好叻㗎呢?因為我諗應該冇乜關係嘅,
因為上去唔使講嘢。你上去係點呀?我記得嗰時係第七個阿姨,嗰時細個冇咩嘢玩, 就買本香港電視,依家應該冇咗㗎喇。
裏面呢,成日都話有啲入場券,你申請去勁歌金曲呀,歡樂今宵呀。剪咗出嚟寄返去廣播道幾多號。我哋又冇嘢做喎,係咁剪嗰啲嘢去寄。點知有一次呢,就真係歡樂今宵,勁歌金曲就冇啦。
就上咗閃電傳真機,嗰時有兩個人要組隊去搞。七姨個仔同埋我呢,就上咗去。具體細節呢,我記得嗰陣時個主持係麥包嚟嘅,著住件紅白間監躉嘅衫去做。然後呢,中間嘅過程就唔講太多喇,記得中間掟蕉掟咗15隻裏面中13隻。
嘩,咁厲害。每掟中一隻蕉,有盒好細嘅模型lego送畀你,好好玩, 細個嗰陣時,我嗰時應該七八歲。到最後就喺個沙池,即發泡膠池裏面去計四條數,
然後就搵嗰個密碼,黐喺牆上面,咁最後係贏咗嘅。所以成個過程裏面係唔使講嘢嘅,我相信呢樣嘢係冇乜關係。咁樣大家都應該睇到佢就好犀利, 就係個人一定計數好叻啦,
好靈活啦,轉數好高啦。所以喺個議會度好多同大家一齊過招,人哋掟招,你就接招啦。哈哈,我而家掟人比較多。係呀,咁我哋見到你好犀利,會唔會係你細個,你有係兄弟姊妹嘅?
有,一個家姐,一個細佬。咦,即係你夾咗喺中間。係呀,最難嗰個位。我覺得啦,我家姐唔同意嘅。
咁你夾咗喺中間,應該好善於溝通。口才不是這樣練返嚟囉,成日嗌交。細個都要幾滑頭, 你要喺呢個夾縫裏面生存,你一定要有自己嘅生存之道。
我阿媽呢,可能我屋企細個都窮嘅,咁嗰個黃金嘅時代呢, 我哋細個起身嘅時候,阿媽唔係唔喺屋企㗎啦。瞓覺嘅時候,阿媽未返嚟。嗰陣時賺錢,瞓得幾個鐘頭,賺多個錢。
所以呢,阿爸阿媽嗰時叫做都幾暴躁㗎。當然話係咪打我哋呢, 以前可能有嘅,但都打得有道理。有時候,家姐又硬頸,青春期都唔定啦佢。
佢成日搵我,有咩呢,你同你阿媽講返,乜物物呀。阿媽又同你講,你同你家姐講。係咪咁你一定要中間。你唔好煩住我呀,我喺個最怕麻煩嘅人。
所以呢,就喺呢一個過程裏面呢,就一定要懂得去溝通囉。或者有啲叫灑下滑頭,嬲咩呀,家和真係萬事興。萬一嘈起上嚟嘅話呢,最唔着數都可能係我。你會唔會有可能真係3歲定80,細個就做家姐同細佬,
同埋屋企人嘅橋樑,一個代言人啦。咁而家就出嚟做一個我哋市民嘅代議使啦。即係將我哋好多市民嘅心聲,要講畀政府聽。其實你話做議員嗰個過程呢,係某個程度上有啲陰差陽錯嘅。
講個故事啦,本來我諗住我係自己頻道講的。成議員嘅過程,都幾有趣。因為我同其他議員呀,做議員嘅路係有啲唔同。你見到而家社會人士啦,有好多未讀完大學就係做議員嘅。
即係你口講無話要做議員,但係你每一樣嘢都做呢啲政治活動,想去參選或者為社會去辦事。是正是邪,公眾去定奪。但我呢,係細個嘅時候冇考慮呢樣嘢。咁就算係我以前係英國讀書嘅時候啦,阿媽喺做生意呀嘛,做生意啫啲好小本生意。
因為以前係漁民,上咗岸之後呢,做啲回收生意,慢慢都有變成起石運輸。有間公司就好細嘅,老臣子喺度。咁變相呢我哋去同家姐一齊去咗英國讀書嘅時候都好窮呀,即係要洗碗呀,去做兼職。到最後同家姐有一日同佢傾,不,是家姐同我傾呀,我同你兩個,點都要有個返去睇咗屋企㗎,阿媽年紀大,你點算。
咁我梗係貪玩喇。有咩事,家姐你返去。我返唔返去,你唔好理我。咁變相家姐就話,既然要返去嘅話,要做接手屋企嗰個老牌公司啦。
就變相佢讀咗Business。我揀乜嘢呢,我想讀咩,就讀咩,因為佢揀咩都得啦嘛,我讀art都冇人理我㗎喇,對不對。點知去到大學,我同家姐,讀書嗰陣時係差兩年嘅,即係佢大三我大一咁。家姐佢讀到碩士。
轉個頭就結咗婚。係。 同一個外國人結咗婚。
咁結咗婚,佢咩都唔理喎,同我講,就叫你返去啦。我讀電子喎,咁咪返去啦,你都冇辦法㗎咁我覺得喺外國嗰個種族歧視都幾犀利嘅。咁可能我家姐係女仔啦,可能就比較溫順啲。咁我可能又硬頸,成日衝突都比較多,我最後都係返咗香港。
我喺屋企嗰度啦,啱啱都講做起石公司。其實就係喺海上面嘅,一啲貨箱吊上去躉船,然後將啲回收廢紙返去內地做回收。咁我哋嗰個坐落嗰個位置呢,旁邊就係青山灣嘅魚市場。正如頭先所講,我阿媽呢,係一啲上咗岸嘅漁民嚟㗎嘛。
咁魚市場裏面,全部都係親戚,三舅父吖,大姨丈。全部都係,有好多喺裏面。佢哋有時就唔係搵我嘅,就搵我阿媽。因為我阿媽有嗰間公司,有個貨櫃喺度嘅,
寫字樓呢,一定有個秘書喺度,成日都話,我間公屋點解咁耐都未打電話畀我㗎,咁耐都未有嘅?喂,漁護署又話要告我呀。好多呢啲咁嘅嘢,咁阿媽係好心嘅。好心㗎,咁我媽就文化水平唔好話好高呀,當然唔會大學啦。
但我都唔知佢咩學歷,同個秘書小姐講,有個請咗書記,咁快啲去打電話幫我問下啦。幫下,一路幫下幫下呢,就變咗係我哋公司個習慣。同嗰啲漁民關係好close,自己都係啦, 我阿公又同我講一定要幫番漁民兄弟啦。
咁所以呢,我就返咗之後呢,既然係老牌公司,根本唔需要好多嘅去管理。大部分老臣子全部自動波。我就負責搵生意啦,收數啦,可能請阿媽飲下茶咁。上下網睇外國嗰啲情況,可唔可以買下貨,會唔會有啲咁嘅情況出現。
跟住呢,到地區嗰個叫張生。多謝你,張生呀。阿張生呢,佢就話你做得咁好, 不如我哋屯門漁會嗰度服務下啦。
咁我諗住嗰陣時呢,嗰時零三年, 零三年呢,其實都唔係咁好環境呀,應該係沙士嗰陣時我喺外面做一輪之後返嚟,應該係04年嗰陣時,遇到張生搵我哋一齊去做。咁做下做下,又做得得ok喎, 不如你代表屯門嗰度去全港嗰漁會去傾偈吖。
因為嗰陣時都係老臣子去做,時間都比較多,做義工咁做,冇錢收嘅。跟住去到全港漁會做做下之後呢,就話不如你代表漁會,同啲農業界兄弟都了解下啦。咁個時佢又未有好整體嘅農會出現。全部都係,種菜嘅一堆,養豬嘅一堆,養雞嘅一堆,分開㗎,佢唔係漁會咁樣。
單拖、雙拖、蝦艇,佢會有一個大會,佢比較少啲 ,分開都了解下。有啲當然係入唔到去喇,好難溝通。到最後就差不多要換人選舉喇。
不如你去,所以嗰個從政嘅過程裏面,呢係好長。咁就變咗做一個,由於我家姐嘅決定令到我返咗嚟。係,明白。大家已經都知道喇,何俊賢原來佢呀,
細個就又係做個橋涼啦。即係中間啦,喺屋企排中間啦。咁又口才好啦。唔敢,唔敢,唔敢講。
頭先講過咁多故仔呢,知道佢係轉數好高。駁嘴比較叻。以前同阿媽生存,你唔駁嘴,點樣生存吖。係,明白。
喺學校呢?有冇成日畀人罰?因為你頭先都講過,喺外國都受到一啲歧視。其實喺外國,我哋想為人離鄉賤嘅時候,你有冇一個好深刻嘅故仔呢?
有,我仲記得我住喺英國一個小城鎮呀。呢個地方呀,去咗隔離,喺屋企出嚟,去隔離個球場去打波喇,做運動啦。嗰陣時應該十六七歲到啦, 應該大概十七八歲呀,唔記得咗。
我打到攰啦,返去啦。咁過條馬路呢,就係屋企。 咁你過咗半條馬路呢,來回車吖嘛。
一架車,係一架貨車嚟㗎,我冇記錯的話。經過喺我前面嘅時候呢,特登攪低個車窗,向我吐口水。嗰個係咩人?
當然是外國人啦。應該係個男人,金髮嘅。咁冇理由係話,我哋香港香港嗰啲染金毛。佢吐完我口水之後,冇得追啦,人哋開車。
咁就忍住度氣返屋企。即係咁樣,咁樣落去唔掂呀。可能喺嗰一刻裏面呢,我覺得呢,依個地方並未必係歡迎我。我覺得都係要返去建設,要返屋企,我覺得國家強大。
甚至係我哋中國人,甚至係香港人唔好畀人歧視,首先要自己掂先。所以就返咗嚟香港,咁當然啦,係果時十七八歲,種下嗰個種子。嗰陣時都未有個好強烈 話要我要建設國家,我一定要做議員。
冇呢樣嘢,但係我覺得呢個地方係有問題。所以我返咗黎啦。咁好彩佢個日,吐嗰啖口水。哈哈,我哋香港今日議會何俊賢,應該要多謝嗰位金髮嘅外國人向你吐口水。
使唔使多謝佢呀?好似香港畀人統治咗咁多年,多謝佢侵華。不行。你令我諗起,李小龍嗰啲戲嘅時候呢,就係因為啲人鬧佢。
真係吖,佢某程度上反映事實㗎。李小龍點解要拍呢啲戲啫,我哋唔係東亞病夫囉。係,尤其是你唔會無端端說,我唔係東亞病夫,一定係侮辱你㗎嘛。所以我係曾經試過兩三次咁嘅經驗。
不過我今日唔講咁多喇,嗰個吐啖口水都好大㗎喇。咁我哋都係講句,要多謝何俊賢,喺我哋嘅立法會。咁我哋下次返嚟又講下究竟你嘅功能界別嘅時候係有啲好特別呀,漁農界。
我地又再返嚟講,好冇?好吖。好,多謝。