粤语电影香港八十年代搞笑鬼片,时来运转解说(020粤语讲电影)

hello各位觀眾,呢排基本上都系同大家講述八九十年代嘅香港喜劇鬼片。今次依出《時來運轉》由洪金寶製作並監製,劉家榮執導,洪金寶、元彪、曾志偉、馮淬帆、鍾發、林正英、林良蕙等主演嘅驚悚喜劇電影,於1985年上映。看電影看咗咁多年,總會有那麼幾個演員係鐵票,就係唔理佢演咩你就一定必睇,理得佢果部片係搞笑嘅、恐怖嘅、騎呢古怪嘅、亂演嘅,反正只要係佢,你就一定會睇。我唔知道其他人點諗,對我嚟講,馮淬帆係一個必睇嘅演員。
佢嘅演藝生涯好長,他演嘅電影跟角色都好多,基本上講都講唔完。多數人記得佢,都系佢嗰句「香蕉你個芭樂」,《最佳損友》裏面嘴巴最賤嘅果個角色。電影睇得多嘅仲會記得「犀牛皮」呢個《五福星》裏面的經典角色。無論如何,佢都系港產片中永遠嘅「幽默始祖」,依個係永遠唔能夠取代嘅至高無上嘅地位。
呢部電影係1985年出品,算係香港動作片嘅高峰時期,都系洪金寶奠定佢地位嘅時期。嗰陣時嘅洪家班算係當時最大規模之一,底下嘅七小福唔講,錢小豪錢嘉樂兄弟,九叔林正英,吳耀漢、午馬、等人,幾乎鞏固咗嘉禾係香港嘅獨霸事業,當時嘅票房賣作電影基本上都系嘉禾嘅出品,算得上係高光時刻啦。當時可以為之抗衡嘅,就只有新藝城,兩者皆係伯仲之間,時常分唔出高低,就喺良性競爭之下,香港電影係8-90年代達到高峰,就算係亞洲電影中都獨佔鰲頭。而呢個時期嘅電影,都成為依家電視台不停重播嘅主要區塊,由早上七點到傍晚上七點,都唔停咁輪播依個時期嘅電影,可以另小編枯燥乏味嘅童年添加咗唔少嘅調味料。
好啦,講咗咁多廢話而家講返正題先。阿龍(元彪 飾)同阿德(曾志偉 飾)係龍虎武師嘅,專門幫其他演員做替身嘅。
某日,佢哋兩個去酒吧約咗裏面嘅當家歌手玲玲(吳夏萍 飾)去沙灘游水。帆叔(德父,馮粹帆 飾)嘅性格搞怪幽默喜歡溝女,但係佢仲有另一個不為人知嘅身分,就係陰間嘅勾魂始者。
有日半夜,勾咗一個酒鬼(秦煌 飾)嘅魂魄,做完嘢返到屋企卻被德仔玩咗鑊。九叔(德仔父親林正英)就係命理大師,為咗延長阿德嘅壽命用盡所有方法,成日要佢防東防西,凈系想佢大步攬過三十歲果個大關。依部片基本上就係洪金寶為元彪量身打做嘅電影。
身手不凡,又帶小小蠱惑嘅性格,我覺得非常適合元彪,可惜之後嘅元彪除咗配角之外,就再都冇點接演過類似嘅主角,都唔知道係佢拒絕接受定係大家唔喜歡佢演咁樣嘅角色,真係可惜。這部電影融合咗好多唔同元素入去,但係大體上仲係由搞笑,武打,驚悚當作主體嘅黑色幽默喜劇,比較符合當時啲人,因為入電影院最重要嘅一件事情,就係輕鬆搞笑啦,睇電影就係要開心架嗎!做咩一定要將自己搞到鬼咁緊張,仲係輕鬆開心最重要。不過,如我前面所講,我看這部片最主要仲係睇佢鬼片嘅題材同帆叔,唔知道點解,可能系佢豐富嘅表情同幽默嘅長相,只要睇到佢就覺得好開心,唔理係佢溝女定係俾德仔整蠱果一段,都令我開懷大笑。
一個真正做得好嘅演員,最重要嘅就係喜劇要演得好,要人喊太容易啦,配樂、劇情、對話一出嚟,好容易就可以要人喊到唏哩嘩啦,但係喜劇唔同,最重要嘅是睇演員本身嘅素質,如果唔能夠引人發笑,咁呢名演員基本上就係二流架啦,永遠好難上到位。而帆叔嘅好,來自於他天生嘅喜感,一本正經咁胡說八道嘅搞笑,係佢最拿手嘅戲份,正因為如此,到咗現在依舊有一班喜歡佢嘅影迷不斷咁追尋他嘅腳步。阿龍同阿樂經常意見不合大吵,一天,因為服裝問題整到阿龍唔肯跳樓,而要阿德代替,點知呢一跳就出事啦。帆叔正係度執行勾魂任務嘅時發現到阿德即將喪命,所以阻止咗另一名勾魂使者(鍾發)嘅任務,救阿德一命,但係自己卻陷入生死危機,不斷睇見過去被佢勾魂嘅冤魂,終於受唔住果啲冤魂嘅追殺喪身係電梯槽入邊。
阿龍就因為有身邊好友德仔同阿樂佢哋,而讓佢逐漸忘記喪父之痛,但係就逃避唔到鬼差嘅使命,成為下一任嘅勾魂使者。呢一齣電影仲有一個段落令到我覺得非常搞笑,就系有關以前粵語長片嘅對白,小編好想知道,其實舊時代嘅觀眾,會唔會覺得咁樣嘅演出方式有啲滑稽呢?你啊 殺死我
老豆我要同 我老豆報 仇前面呢一大段主要係講帆叔嘅詭異工作,同被追債嘅過程,算係成部戲當中比較詭異嘅部分啦。其實呢一段都可以看作係帆叔自己嘅幻覺逼使自己行上絕路嘅,但係睇佢係幻覺中走唔出嚟嘅感覺又非常過癮。
但係睇佢係幻覺中走唔出嚟嘅感覺又非常過癮。先用鍾發嘅幻覺當作一個開引,話比觀眾知,接落嚟即將會有大事發生,然後再要帆叔開始發現果個酒鬼,不斷咁出現係佢身邊嘅詭異氣氛作為真正嘅開頭,逼使觀眾墮入呢種詭異嘅氣氛中,開始被配樂牽住走,亦開始為接落嚟不可預測嘅事情緊張起身。百貨公司一段可以算係高潮啦,不斷出現穩佢索命嘅冤魂,而且越來越多,配樂嘅聲音越來越大,畫面上嘅色彩越來越單調,最後只有一種非常冷色調嘅青綠色佔滿成個畫面,營造出成個古怪嘅氣氛,係最後用帆叔跌入電梯槽掉作為結尾,整段一氣呵成,中間搵唔到任何斷點可以切入,就咁樣睇住帆叔跌入嗰個陷阱當中,都為下一段揭開咗序幕。阿龍想要擺脫勾魂使者嘅身分,但系又無任何辦法,所以請九叔(德仔父親,林正英
飾)幫忙。九叔勉強留底阿龍嘅魂魄,但系反而將事情搞得越來越麻煩,逼不得已只能等珍珠(李麗麗 飾)從陰間中穩帆叔上嚟說明,卻意外得知鬼差要捉拿阿龍攞佢嘅命返落去。當晚,一行人備好架撐,打算同只勾魂使者決一生死。
老老實實,要講當今世上能夠將「道士」演繹得出神入化嘅,唔好懷疑,絕對係九叔林正英。小編,以前睇完九叔嘅電影,一度懷疑佢嘅正職業就系道長,拍戲只不過系佢興趣,平時只係密撈一下。不過,呢一段可以睇到九叔大展身手,真係英姿林林!睇佢用紅線劃符咒、擺陣、念咒、做手勢,就算真正嘅道士都唔一定可以似佢一樣專業,我絕對有理由相信九叔本身係可以斬妖除魔,唔知各位觀眾又點睇呢?
呢部電影就係一部黑色喜劇,會令到人又笑又驚咁,雖然笑占咗絕大部分。不過講係咁講,到做後半段又係返到洪金寶嘅老本行,又變成咗一部武打片,不同嘅是,今次係超級大亂斗,只要鬼差附係邊個身上,邊個就要同其他人對打,算係當時比較新穎嘅武打片吧。電影去到最後,鬼差終於被困喺一個由佛壇包圍嘅玻璃棺材度。原來佢哋幾個之前一早然有準備,聯繫好佛寺裏面嘅大師,待鬼差入到陷阱後利用咒語加冰封,永久噉封住咗只鬼差。
不過呢出電影嘅結局,最終都系留俾大家一個懸念。