婚禮統籌入行【3】:初入行的工作範圍|NaNa

究竟去到會所之後,發生左啲咩事,令到我咁想辭職呢?我地一齊聽落去啦~Hello,大家好,我係NANA,歡迎大家返到黎我嘅 NANA Planet。
今日呢就會同大家繼續講埋我嘅婚禮統籌入行之路(3)嘅。好耐之前,就講到我去到會所啦~咁就停左啦~所以今日就講埋之後嘅經歷啦。工作內容,主要分三部份,首先就係做侍應,跟新娘員,學簽單(做Sales)。講左侍應先啦,呢一樣嘢係令到我超級想辭職唔做嘅!
因為我本身就無諗過係要做侍應。你要幫個客斟茶、收碟、執枱⋯⋯總之一個中式茶樓入邊姐姐要做嘅嘢就你做哂佢啦。我(當時)做左一個月之後,就覺得頂唔順啦,想轉其他公司。點知呢,我嘅上司就話啦~咦~你可以學簽單喎,唔好辭職啦~
我:咁,哦~好啦~有得學新嘢,我就繼續做落去啦。跟新娘員,其實係做啲咩㗎呢?咁我地就分開入席前,同入席後講一講啦~入席前:個新娘子黎到場地,你就要帶佢入房到,(等化妝師幫新娘)換衫、化妝。如果有証婚就幫手搬搬抬抬,或者係,教佢啲儀式要做啲咩、點樣做。
佢(新娘)如果影相嘅話,要教埋佢擺甫士~以及,提一提佢有邊啲位可以做好啲啦~例如:拎花球個隻手可以高啲/低啲(調整返)。或者係,幫佢甫下裙(最常做嘅工作之一)當然你就唔可以HEA(無心工作/求其)啦~喺咪?第二樣嘢呢就係,你要幫佢準備一啲斟茶嘅用品啦~譬如:咁佢會有個姊妹遞茶㗎嗎,通常跟新娘員就唔會幫手遞茶嘅。(除非客人無人幫手/急需馬上斟完茶換衫等情況)因為第一,唔方便入鏡(到時張張相都係工作人員)第二就係,有陣時會收到長輩嘅利是,(怕有利益沖突)(所以)呢啲「筍位」,都係留返比姊妹/非工作人員
啦~咁我地就負責係斟茶儀式上面,幫手換過啲新杯比個姊妹。做個交替嘅動作啦~你仲要幫佢夾下紅棗蓮子,斟茶⋯⋯入席之後,都係離唔開鋪裙&教新娘擺甫士~有陣時有啲場地,就會要求你帶埋新人去敬酒嘅~譬如,個客人擺左30圍,咁你就要帶住佢行哂30圍(去敬酒),確保唔會敬漏之餘呢~仲要搞下氣氛啦~姐係譬如,勁大聲咁嗌「飲杯」~~~~或者係,啲兄弟/賓客捉住對新人係咁灌佢地飲酒,(新人)走唔到嘅話咁你就要幫下手嘅。(幫手帶走新人,不是幫手飲XD)確保大家個流程順利之餘,又早完場啦~又早收工啦XD 喺咪先?
有陣時呢,甚至會入埋新娘房幫佢著裙、帶金器~總之,你學得愈多呢,係愈好嘅~咁第三Part就係做Sales簽單啦,(個陣)好好彩地簽到人生之中第一張單啦,但點知過左一個月之後,個客人就話要撻訂啦。咁我就勁驚啦~(我就以為係自己問題)跟住(個客)就同我講,因為佢地分左手。所以我都無咁驚~咁(我)就更加努力去做侍應啦、跟新娘,同埋學簽單~之後做左2年到啦,就(又)好好彩咁樣收到人生之中第一封讚揚信~我係無諗過呢,返工原來都可以收到讚揚信嘅。咁我個陣就覺得,哇~原來你做嘅嘢呢,係會有人留意你啦~同埋欣賞你嘅細心~呢一樣嘢都係我地呢一行,最大嘅動力去堅持落去~即使係讚揚信又好啦~或者係寫係利是封上面嘅小小心意。
甚至乎Whatsapp(上嘅)幾句今日辛苦哂你地啦,真係好好啊~咁樣其實都,可以令到我地有好大嘅滿足感~之後呢,我就去左公司嘅另一間新分店到工作啦~經歷左啲咩呢,就下條片再見啦~鍾意呢條片嘅朋友仔呢~可以幫我禁個Like同埋Subscribe (訂閱)埋我嘅Channel (頻道)喎,我地下條片同埋IG上面再見啦,掰掰 (BYE
BYE)