【中環任我行】跑刁最怕對家充大頭(渾水)

  上一篇文章講了一些刁的技巧,其實做刁都好講時勢。坦白講,這陣子真係食風比較多,偶然有一些項目會幫手搞,但其實都唔係咩大茶飯。不過,起碼都叫尚在金融市場中活躍,等各位大佬知道我尚在道上,仲未死,有野可以搵下我咁解。
初初出來行,最怕遇着一些充大頭的對家。有時未摸到對方底子,我會太認真看待。好像傾賣殼這樣,個個吹噓到不行,強調自己背後有金主,個金主又有幾猛咁,又吹到個金主可以一約就見到面咁。我試過去搞這些東西,很認真帶了個話得事的人出來,結果對家完全無料道,純胡說八道,那就自然什麼都談不攏了。
後來,我發現很多做保險經紀、傳銷生意等都宣稱自己手上有幾隻殼,我就開始怕怕了。因為這類人,本身就慣了空手入白刃,一味靠吹靠老作,根本就不是做實事的人。最近友報《蘋果日報》講一個政協富二代做保險,我骨子裏是有點瞧不起他。賣殼這個圈子本身就不大,市場上最活躍的莊家本身就互相認識大家,用不着中介人去搞,除非你本身埋了一個山頭,咁先有機會可以幫人去傾。
否則人家不信你,你傾條鐵咩?又或者對家唔係行內人,而係一個不知哪裏爆出來的大陸佬,剛好又是你朋友,那就可以幫手貢獻了。所以,太假大空的刁不要預我。普通借下錢,幫手管一些項目,做一些簡單合作,那就可以找一找我,我地會有商機和合作空間。
尤其是現在走資難,大陸又有外匯管制,借錢才是最簡單又最易成功的刁。圖片來源︰unsplash.com本文來源:http://nextplus.nextmedia.
com/news/latest/20170216/479117