【七警判刑】fans質疑被潑特製暴力液 斥法官冇腦 促人大釋法

7警在傘運時索起示威者曾健超雙手,拖至暗角圍毆,被裁定「襲擊致造成身體傷害」罪成。法官斥7人惡意襲曾健超,令警隊蒙羞,損港國際形象,即使7人壓力很大,亦非施襲理由。不過在親中組織「幫港出聲」facebook專頁,一眾fans卻搬歪理撐7警,當中更有指7警「好大機會」被潑特製的「暴力傾向液」才失常,斥法官「文科出身,無化學理科頭腦,冇查清楚」就判7警有罪「好有問題」,認為目前唯一救7警的方法,就是人大釋法。
疑似幫港出聲粉絲Kelvin Kwok留言,質疑7警被潑「外國特工嘅化學外用暴力劑」,認為案中最大疑點是曾健超潑甚麼液體,聲稱「好多真實案例證實,外國特工潑液體,可以令人喪命」,斥法庭未查明液體成份就判罪,好有問題,又反問「如果下次曾健超將『奇淫合歡散』,噴在警察然後被侵犯,老屈警察強暴,咁仲有王法?」Kelvin
Kwok的瘋狂言論,被網民截圖後瘋傳,有網民迅速起底,發現Kelvin Kwok疑似是中原地產經紀,但呼籲大家「先祈唔好打去搵佢」。【網民反駁】Jacob Cheong:咁你又有無諗過,其實曾健超潑嘅液體,係有冷靜成份嘅冷靜水,但係7警係被落冷靜水的情況下,依然打到人豬頭咁,可想言知,7警如果無被落冷靜水,嗰位受害者應該會死於全身粉碎性骨折Jo
Ng:可以咁清醒識拉人去暗角打一鑊,嘩!隻液體都幾有料到喎!(唔該先生你低能少一陣啦!笑死我啦!
)Terence Hui:白痴也該有個限度吧!Nic Laudon:我有懷疑係茅山術數,液體係有符咒等超自然力量,可以控制他人思想
【七警案事件簿】http://bit.ly/7-cops 本文來源:http://hk.apple.
nextmedia.com/realtime/news/20170217/56317491