中環出更:反中亂港 漢奸黎續遭示威追擊

反壹傳媒黎智英(漢奸黎)嘅示威不絕,兩名聲稱自發前來嘅男女,不滿漢奸黎禍港殃民同埋反中亂港,尋日下午帶同橫額到漢奸黎位於何文田嘅寓所附近示威。 一男一女到黎智英屋企附近示威。
示威者促「滾出香港」 尋日下晝約一點三十分,一男一女戴住黑超嘅示威者抵達漢奸黎寓所附近,展示印有漢奸黎樣貌以及「毒媒橫行 禍港殃民」、「反中亂港肥佬黎」、「黑金金主 厚顏無恥」、「佔中黑手 千古罪人」、「漢奸走狗 滾出香港」字句嘅海報及橫額。 近期針對漢奸黎嘅示威行動幾乎日日有,自去年六月十日起計,到漢奸黎寓所附近及將軍澳壹傳媒大樓外示威嘅行動最少達一百五十六次,當中自稱霸王國際集團員工及苦主佔十次、正義聯盟佔三次,旅遊業界及其他人士則有一百四十三次。
卓妮 本文來源:http://orientaldaily.on.
cc/cnt/news/20170219/00176_101.html