天生黑面神?江美儀濕平被售貨員逗笑

  相關連結:新愛.回家又仆直?大台搵人氣江美儀打救遭拒絕http://bit.ly/2l6uGTE
江美儀近日憑大台劇《親親我好媽》入曬屋,虎媽一角簡直入型入格,唔只嬲嗰時,就算佢唔嬲,只係唔笑,個樣都已經夠曬惡,足以嚇到兩個女聽教聽話。呢日江美儀無工開又唔使陪男友,自己一條友出嚟行街shopping,行嚟行去都係睇化妝品,目標十分明確。之但係佢嘅面口就唔多友善喇,成程黑口黑面,要serve佢,真係驚隨時俾佢鬧一餐。就算佢問完路好好禮貌,會講返「唔該曬」,但面上一樣係擠唔出笑容。
不過,有啲人天生個樣睇落比較惡,就好似江美儀咁,相信唔係有心黑面。其實只要明白呢一點,就唔會覺得佢惡架喇,好似呢幾位售貨員姐姐咁,見到黑曬面嘅江美儀仲可以笑笑口,鬼死咁親切去招呼佢,一個唔夠就幾個sales一齊上,憑真誠唔造作嘅笑容,連黑面江美儀都打動到,有幫襯之餘仲笑住咁離開,認真厲害。本文來源:http://nextplus.nextmedia.
com/news/latest/20170228/482371