支持幼稚園免寫字 家長:對香港教育有啲曙光

左起:湯小姐、余太及施小姐。 【新增短片】教育局今天公佈新一份配合免費優質幼稚園教育計劃的《幼稚園教育課程指引》,將強調學生為本,並以遊戲教學為主,具體規定幼兒班不能要求學生執筆寫字。
有家長對指引表示贊成。 育有1歳小童的余太表示,教育局設立指引是好事,「話少啲練習,盡量比多啲佢哋(學童)玩,係好事嚟嘅,起碼唔會再有怪獸家長出咗嚟先。幾滿意依個指引,繼續keep住去,起碼對香港教育有啲曙光先。
」她續指,外國的學前教育都以學童為本,「我姨甥仔喺外國讀書,佢哋學校目標係呢一年係冇功課做,我覺得幾好,起碼上到小學先慢慢學,如果有問題嘅外國嘅教育應該失敗咗先囉。」她稱現時香港比較少同類型的幼稚園,但相信指引實施後,會幫助有決心想改革教育的師長。對於指引期望學童可以初步認識中國人身份及中華文化,她指「文化我覺得係有需要嘅,但我最唔想係普教中,因為廣東話粵語先係我哋母語,普通話只不過外修,我唔介意佢學,但唔可以強逼。當興趣班我覺得ok,但如果要一個主教科目我一定會會抗拒。
」另一家長施小姐指,對於指引建議幼兒班兒童不要執筆寫字持反對意見,「因為慢慢下一代就會唔識寫字,最簡單係比佢地練習嚇,唔好話全部寫字為主,有一啲功課都要寫字。不過,她承認近幾幼稚園偏向有太多功課量,「好似我大仔,佢可能唔係好識一啲字眼,但佢同人接觸、玩係佢強項,但有啲學校好針對性,一定要你識太陽、識顏色,但唔會睇原來依個小朋友識得幫媽媽手做家務,佢(學校)唔睇到。」她認為指引可以多加着重書寫以外的知識,對於學童是好事。家長湯小姐指,讀書不是為分數,「無理由冇曬童年囉」。
她指其伴侶是台灣人,故其小朋友不會在香港讀幼稚園。被問到香港的學前教育是否太辛苦,她稱「睇家長點諗,最緊要都係小朋友有快樂成長,有開心童年。」 本文來源:http://hk.
apple.nextmedia.com/realtime/news/20170227/56361745