【MWC2017】唔出新手機 Oppo新5倍變焦手機鏡頭更搶焦點

當其他廠商都以機海攻勢在MWC 2017上展出新手機,Oppo就反其道而起,手機就無,但就展出手機技術。唔好以為只講技術就無睇頭,今次Oppo展出是可用於手機的5倍變焦鏡頭,同以前手機變焦鏡頭採用伸出式唔同,這款新技術是採用潛望鏡式設計,將鏡片組藏在手機內,再透過鏡片反射而達到變焦效果。
這項技術其實未算新鮮,早期數碼相機都有採用,最出名就有Sony Cyber-shot T系列,好處是鏡片組可以造得好薄,如Oppo今次發表名為「5x Lossless
Zoom」的鏡片組厚度只有5.7mm,並且能應用到光學防手震技術,拍攝效果清晰。但有外國網站指所謂5倍變焦其實有點取巧,其實內置鏡頭只提供到3倍光學變焦,要靠數碼變焦加上影像技術先至搭夠5倍變焦,不過實拍效果又確實幾清晰,希望Oppo可以快點將這項鏡頭技術加到新手機之中。 影片:https://youtu.
be/lvrR3XCLyCg資料來源:GSMArena文:布偉倫2017果籽繼續認真知味。識買惜用。行以求知。好事多為。
重修舊好。緊貼果籽報道,即like:http://fb.me/AS.AppleDaily
本文來源:http://hk.apple.nextmedia.com/realtime/supplement/20170228/56364845