【鬍鬚曾爛攤子】美食車蝕入肉 醞釀「罷泊」風波

  相關連結:【鬍鬚曾爛攤子】平行時空講營運問題 抽「生死籤」搵食中廁所位http://bit.ly/2milgUT
【如意算盤打唔響】美車食店主批計劃死板 嘆政府限制多反應慢http://bit.ly/2lKbiKJ 【灣仔差過黃大仙】美食車店主:每小時四個客都未必有http://bit.
ly/2mwWLnx 成功入閘做特首候選人的曾俊華,兩年前提出美食車先導計劃,但家陣隨時留低一個爛攤子!2015年仲係做財爺的曾俊華,在財政預算案中提出將外地流行的美車食引入香港,又話希望賣魚旦牛雜等本土食品。呢個計劃,今個月終於出籠,開頭係威係勢,成功吸引大批市民同遊客去排隊,就連曾俊華自己都去幫襯埋一份。
但據《壹》仔了解,唔少參加呢個計劃的檔主﹐都大吐苦水,狂呻經營慘淡「蝕到入肉」,仲打算醞釀「罷賣」抗議。究竟生意有幾慘淡?《壹》仔早前就去過金紫荊廣場、海洋公園同中環海濱實地視察,發現幾個地點都各有問題,就以中環海濱為例,個停泊位「瑟縮一角」,如果唔係搵公廁,根本就唔會見到;金紫荊廣場嘅位置亦偏離主要人流,至於海洋公園個位,就只有上落旅遊車遊客會經過囉。呢幾個地點,每小時實測都只得二至五位客人,全日生意額由幾百蚊到三千蚊不等。
而場租方面,每日就最少要俾政府最少六百幾蚊租,生意好時更要多分百分之十五營業額出來,但配套就只係得垃圾筒同電力供應,連張枱都冇得擺。有不願透露身份嘅車主就話,停車位差係因為要考慮現場主既有食肆嘅利益,但租就照收,但就冇機會競爭,公平咩?《壹》仔就聽聞,部分檔主最近安排多架抽中停泊喺不利位置嘅美食車進行維修,又或者用各式各樣原因唔開檔,索性變相「罷泊」去慳成本,兼順手逼有關方面做嘢正視問題。撰文﹕時事組攝錄﹕攝影組本文來源:http://nextplus.
nextmedia.com/news/latest/20170303/483422