【志明笑春嬌】票房報捷千嬅濕晒 余文樂︰告別作呀吓!

  《春嬌救志明》票房在香港同中國兩面都大賣。楊千嬅、余文樂同導演彭浩翔等人,就要兵分幾路去宣傳同謝票。
早前千嬅同彭浩翔去成都做宣傳的時候,更順道去探下熊貓,認真Happy啦! 既然票房報捷,千嬅應該笑才對,何解千嬅眼泛淚光呢? 她說
「好感動,呢幾個月喺片場受嘅欺凌都值得!」估唔到身旁的阿樂重演戲中爛gag,上下打量千嬅,然後遞上紙巾說:「依?你濕曬喎!」終於令千嬅破涕為笑。
阿樂又說:「好難得有一班人,8年嚟仲一齊繼續拍呢部戲,剛才聽到全戲院啲觀眾一齊大笑,我最感到滿足和開心」千嬅又大讚阿樂演得好,阿樂叫她冷靜,但她說:「我真係好激動,因為有啲部份分開拍,本應互相唔知對方點演,但因為好有默契,我哋無傾過,只係估對方會點做而去演自己嗰部份。今日終於睇到,全部啱曬呀,好開心、好開心,好有成功感呀!」正當千嬅仍然非常興奮的時候,阿樂就話今次是終極一集:「應該冇下舖,有得睇就睇啦,告別作呀嚇!」搞到千嬅即時嬲爆爆要追打他:「我啋過你呀!
」本文來源:http://nextplus.nextmedia.com/news/latest/20170502/506693