【生意●創業貼士】開裝修公司成本低易賺錢? 80後老闆:最重要都係搵到客

  做了十多年裝修的Penny就指,現時行內缺乏新人,導致人工不斷上升:「即使乜都唔識,新人入行已經有六、七百蚊一日,主要係運嚇嘢,之後就泥水、油漆等等。」而新人晉升機會亦比其他行業多:「做到半年左右就會加人工,一加都係加五十蚊左右,如果醒目嘅話五年就做到判頭。」他指出,現時裝修及設計公司如雨後春筍,加上不少公司只以網店發展,令競爭更加激烈:「如果出嚟做判頭,生意就以單計,一個小工程幾千至一萬不等,但最主要都係要打好關係
同埋手工及售後服務係非常重要。」至於有不少設計師獨立出來開公司,他就指與三行出身各有利弊:「設計師畫圖、對客經驗就會多啲,但喺報價方面,就要好小心,如果三行出身嘅話,依方面問題係少啲。」雖然裝修人工高,晉升易,出來創業都不太難,又不用像建築工人日曬雨淋。但Penny都直言工作都是環境一般:「好似油漆,有時要直接用手去攪,同埋室內比較多煙塵,好多嘢都要克服。
」但有一種東西一定比辦公室上班好:「返朝九晚六,想OT管理處都唔俾。」採訪:梁延宇攝錄:梁正平相關連結:【生意●專做劏房盤】80後開裝修公司月賺八萬:好多客住二百呎想變到似住五百呎!http://bit.ly/2sc9haR
【生意●上車客中伏】買滲水居屋用櫃掩飾取巧 裝修公司十幾萬個半月搞掂http://bit.ly/2qs2c5n ______________________《壹週刊》周一娛頭
:【高峰期百幾個】盛品儒老婆蔡一鳳30個Hermès大割愛︰唔想再服侍佢哋http://bit.ly/2s1u01C本文來源:http://nextplus.nextmedia.com/news/latest/20170529/515099