【獨家回應●開心出櫃認同醫生交換戒指】鄧達智︰唔鍾意用「結婚」呢個字

  著名時裝設計師鄧達智(William)與醫生男友Clement咀咀相曝光,現與男友身在馬來西亞檳城的鄧達智,今早越洋接受電話訪問,甜蜜回應「結婚」一事。他指咀咀相的聚會,其實是朋友上星期(六月底)幫其男友預祝生日的生日會,結果朋友一時高興,就即時舉行交換戒指儀式。「其實我哋一早去咗買戒指,預咗七月先舉行呢個儀式,點知朋友高興咪搞埋。
不過我唔鐘意用『結婚』呢個字,但係可以搵到人生伴侶,係實在開心嘅事。」原來今天是其男友正日生日,交換戒指儀式令到「結婚」關係曝光,他說是朋友「唔生性」上載相片到fb累事,但他沒有怪責朋友,他指「預咗有今日」,又指母親在一二年離世後,他已再無牽掛,也不怕人指指點點。不過他指,落實這段人生伴侶關係時,雙方都表現忐忑。今年四月底他們飛去西班牙旅行時,為了讓大家想清楚是否應該踏前一步,到埗後,他們各自分開了兩個多星期,他一個人去了行聖雅各之路,每天行四、五十公里,行了兩個多星期,利用這個空間,一個人想清楚是否應接受這段關係。
男友亦憂慮過閃婚是否太快?結果兩個多星期後,大家相約在馬德里匯合,大家答案是「yes」,決定下行多一步,決定成為對方的人生伴侶,於是再一起揀戒指。William說,男友Clement是瑪麗醫院外科醫生,擅長做乳癌手術。他們緣份原來七、八年前開始,但一直沒有留意到對方,直至去年中一次飯局,他被對方吸引,是因為對方有個好完美的背脊。
「我做設計,好留意人衣着,而一個人著衫好唔好睇,好睇個背脊,佢個背脊好靚,好似有個art piece係前面,因為佢以前係泳隊,佢個膊頭去到腰,個斜度斜落去 腰線同hip嗰個彎位 好靚,好似art
piece咁!」William說,對方做過無國界醫生,又跟他一樣喜歡去旅行,愈傾愈投契,結果去年十二月底就發展成為愛侶,半年後更「閃婚」。William指他一直不太信任親密關係,所以多年來都是獨身,但在朋友之中,有不少是比朋友「好一點」的關係(包括性關係)。年輕時試過同女孩子拍拖,也曾有愛情的憧憬,自大學開始就喜歡上男孩,他解釋不到為何愛上男孩,反正有感覺就一起。
但母親在世時,他甚少談論,加上主張獨身主義,所以不存在交代問題,為何今次願意跨一大步與伴侶私定一生一世關係,他指因為對方很勇敢。「佢話同得我一齊,都預咗會被人知道,唔係人人有呢份勇敢,但佢有。」William說。相關文章:【獨家.
59歲鄧達智同醫生男友結婚?】朋友見証 一pair人戴情侶戒切蛋糕http://bit.ly/2sfrcOj
【戰勝癌魔】鄧達智有Clement陪住享受人生http://bit.ly/2tEuLBK 見證鄧達智同醫生男友結婚?
盧覓雪:尊重佢哋私隱所以無嘢講http://bit.ly/2sxSxzn本文來源:http://nextplus.nextmedia.com/news/latest/20170703/525654