【不怕被標籤】內地來港幾年入培正 兩新移民獲星星佳績

  就讀培正中學的邱楚棱和吳楊璐雪(楊是母親姓氏)都是應屆文憑考生,今日放榜分別考獲五科5**及四科5**的佳績。楚棱是理科生,希望修讀計量金融,而璐雪則是文科生,正考慮選讀文學。他倆將會走人截然不同的人生道路,但他們其實來自相同的起點。
楚棱和璐雪同樣是新移民,高中始來香港讀書。楚棱坦言,初初由深圳來港,心裏有點不情願,也有點不習慣:「我中三先來香港讀書,之前喺深圳讀書。一開始一定唔開心,但係之後習慣咗,喺培正嘅生活好開心。一開始唔識講廣東話,覺得有啲困難,之後學識咗廣東話就冇問題。
」幸好,有老師和同學的鼓勵,加上後天的努力,學習很快就上了軌道,終成為培正的理科狀元。而璐雪則是因為喜歡古詩古詞,想修讀中文,才選擇離鄉別井,來香港學習白話文和繁體字。由大陸來港,難免被貼上「新移民」的標籤,但楚棱和璐雪都不約而同地認為「一個人的價值並不取決於『身份』」。楚棱以一口流利的廣東話續說:「一個內地人喺大陸長大,就會有中國人嘅身份認同;一個從來冇喺大陸生活過嘅香港人,就會覺得自己係香港人。
我覺得冇乜所謂,唔需要將『身份』強加於任何人身上,或迫人認同你相信嘅價值觀。反正我嘅身份並唔會影響學習或工作,我信只要待人有禮真誠、肯努力,任何背景身份嘅人都可以成功。」他們特別想感謝校方和同學對他們的包容和指導。雖然他們均考獲驕人的成績,但談吐之間完全沒有流露過半點沾沾自喜。
楚棱謙虛地表示,她知道這刻的成功並不代表永恆:「呢一刻我考得好,只不過係對於過去高中生活一種努力嘅肯定,但係唔代表你去到大學就一定都係好叻,因為可能已經係兩種唔同嘅學習嘅方式。冇可能話呢一刻成功,或者呢一刻係相對人哋你係比較好嘅一批,就永遠都係,所以都係要繼續努力,唔可以因為而家呢一刻嘅成績而去驕傲或傷心。」撰文:張馨文攝錄:石鎬鳴本文來源:http://nextplus.nextmedia.
com/news/latest/20170712/529098