【鳩嗚乜乜乜】100蚊飛倫敦、台北、新加坡?

好多人覺得用信用卡積分換飛行里數好麻煩,美國運通就推出「My Points My
Travel」旅遊獎賞計劃,可以用積分直接去旅遊平台ZUJI買機票。 最正係由8月7日起至10月31日,每逢周一會推出100張優惠機票,只用3萬信用卡積分,就可以兌換機票,頭炮已經畀人瘋狂搶曬,嚟緊8月14日係換領來回台北機票。8月7日起至10月31日,每逢周一早上10點正,ZUJI會為美國運通卡會員提供100張優惠機票,先到先得,持有Centurion卡、美國運通白金卡、美國運通白金信用卡及「加倍加賞」積分計劃之基本卡會員,可以憑3萬會員獎賞積分購買優惠機票。
8月份航點已公佈,8月7日係達美航空來回西雅圖機票、8月14日係長榮航空來回台北、8月21日係新加坡航空來回新加坡、8月28日就係維珍航空來回倫敦。詳情可以瀏覽 http://bit.ly/2uoTAmg
。究意3萬積分換機票抵唔抵?費清梗係請教里數達人小斯。佢都有留心呢個推廣,若以亞洲萬里通飛行里數計算,3萬信用卡積分一般只可以兌換2千里數或100蚊回贈,而比較平嘅台北機票,最少都要用1.5萬里數兌換啦,新加坡要3萬里數,最遠係西雅圖同倫敦,要用6萬里數,但而家2千里數已經換到,換句話講即係以大約價值100蚊嘅積分已經換到,「台北機票100蚊都買唔到啦」!
佢又教路,真金白銀買機票,倫敦係最貴,所以記得8月28日去搶!美國運通之前託港大民意研究計劃調查,結果顯示因為積分獎賞換領機票過程繁複,加上有太多限制,所以只有6%的信用卡持有人,會用信用卡獎賞來換取機票。所以佢哋推出咗直接用積分到旅遊平台買機票同酒店。費清#要生計,也要生活#毋忘初衷
本文來源:http://hk.apple.nextmedia.com/realtime/news/20170810/57061881