【神Deal】再摑巴塞!利記宣布唔放古

即上墨超刨績王:http://win.on.cc/ligamx
繼尋晚多蒙特官方宣佈,唔放小將奧士文尼迪比利畀巴塞隆拿之後,利物浦班主團芬威體育集團都有樣學樣,出簡短聲明澄清FSG對於菲臘比古天奴轉會嘅態度,重申今夏絕對唔會放走古仔,利記球迷可以鬆一口氣。自從巴塞放走尼馬之後,一直都死纏利記,想以古天奴頂替尼馬,但係紅軍企得好硬,就算面對1.09億鎊嘅報價都唔受引誘。有報道指巴塞都已經跪低,轉為追購多蒙特新星奧士文尼迪比利,呢位法國小將亦玩失蹤唔出席操練,點知多蒙就即時出招,發聲明話已經操拒絕巴塞嘅1億歐元報價,仲停賽處分迪比利。依家連利物浦都話明唔放人,巴塞連環受挫,要喺轉會窗完結前搵到尼馬接班人,似乎會愈嚟愈難。
東網體育同你追實體壇每個精彩時刻! http://bit.ly/2ecTF2A 本文來源:http://hk.
on.cc/hk/bkn/cnt/sport/20170811/bkn-20170811185214318-0811_00882_001.html