【李八方online】毛孟靜問咗乜問題 搞到林鄭面黑黑?

開始就施政報告諮詢黨派意見嘅特首林鄭月娥,今日約見立法會議毛孟靜(Miss Mo)同醫學界代表陳沛然。Miss
Mo會後話,奶媽聽陳醫生講醫療問題時表情正常,到佢發言時就面黑,連陳醫生會後都問佢:「點解佢(林鄭)面色轉得咁快?」 究竟Miss Mo同奶媽傾過乜,搞到氣氛咁有火藥味?
Miss Mo話一開場就問奶媽,幾時重開公民廣場?引述奶媽話:「大家預咗係開㗎啦,唔使擔心」,現時主要係諗幾時開、同重開前要拆走幾多嘢啫。MissMo跟住就問佢,有無同律政司司長袁國強私下討論過起訴社運人士嘅安排?
引述奶媽不置可否,只話《基本法》講明香港司法獨立,好多時判決都有懲戒作用,認為法庭前日重判十幾名年輕社運人士「當然無政治成份」。聽到奶媽答案已唔太滿意嘅Miss Mo,繼而再進擊,問奶媽點解委任教育局副局蔡若蓮時,講過唔需要將劉曉波事件放入國民教育?引述奶媽反寸指:「今日要講劉曉波嘅故事,係咪聽日又要講林子健個故事?
」,激到Miss Mo紥紥跳,批評林鄭咁樣將兩件事比較係非常不當,佢話奶媽「補鑊」稱:「我隨口講啫」。關心上月疑遭棄養小狐狸生死嘅Miss Mo,席間都有問過奶媽知唔知呢件事?
引述對方只係話:「唔知」。 本文來源:http://hk.apple.
nextmedia.com/realtime/news/20170816/57089904