【革走戴耀廷】簽名8萬但集會幾百 何君堯:群情洶湧!純講數字冇意義

被指為「西環新契仔」的建制派立法會議員何君堯今日舉行「革走戴耀廷」集會,他指自己痛心疾首,稱要為香港的將來不能讓學生繼續被塗毒,他說好痛心一個為人師表、滿肚墨水、教法律的人教人違法,所以要革走戴耀廷,不過台下叫喊了三次後才可齊聲叫喊「革走戴耀廷」口號。他又說時下大學生只懂講粗口,卻「冇一個人話佢哋錯」,但「只係話何君堯錯」。早前一名中學學生會主席以「做一個不夠體面的人」致辭,何無故狠批該學生:「依家大家見到中學生話學做一個不夠體面的人,有冇攪錯?
呢個係我哋嘅新指標新榜樣咩?」 集會在部分建制團體號召下有數百人出席,較何君堯早前聲稱要號召2,000人少,集會原訂5時結束,最終4時半許人群已陸續散去,5時只餘下約200人在場。對於今日集會人數少,何君堯稱不應用數字去挑剔,因為事實上與會者群情洶湧,他又斥如果純粹抽無謂數字,是無意義的問題,「教訓」記者問題白痴。
現場所見集會市民多數是中老年人及家庭主婦,較少有年輕人。城大三年級生董同學是當中少數,她指港大法律系副教授戴耀廷不應教人違法,但承認現時政府體制內的諮詢架構或「冇乜用」,但認為亦不應用佔領等違法行為,可以考慮多用網上渠道向政府施壓。亦有市民不太了解今日集會目的,有戴紅帽的市民隨團體到場,但只掛住拍照談天,當記者問及為何而來她直言「唔知呀」。家住將軍澳的退休人士張女士就指自己「係有組織」而來,目的是來反港獨,「中國人唔可以話港獨,(今日唔係要革走戴耀廷嗎?
)唔係,我哋嚟撐場咋嘛。我哋係反港獨。我哋60幾個人一齊過嚟。」早前多個建制集會都被指收錢參與,大會特別在集會開場前稱大會是不接受任何捐款,退休警察丘先生接受訪問時強調「我自己嚟,我自己um荷包出嚟,冇收任何一個錢,我自己搭車由屯門碼頭出嚟。
」他指摘戴耀廷「己所不欲勿施於人」是不對的,聲稱他歪理連篇,「佢話要支持港獨、叫人要佔領喎,用暴力喎好多樣嘢,佢話和平,結果班人有冇和平過呢?係冇和平過吖嘛!(佢有講過支持港獨?)佢有冇和平佔中呀?
佢講和平啫係咪真係和平呀?用腦諗嚇啦,我哋自己睇都睇唔x到咩?」警方稱集會最高峰時期有2,100人,不過集會舉行場地添馬公園近海濱長廊,於7月舉行劉曉波頭七追思會時站滿市民,警方稱最高峰時期僅1,500人。
本文來源:http://hk.apple.nextmedia.com/realtime/news/20170917/57221842