莫可欣作為一個全職家庭主婦，老公返工、阿女返學，自己啱啱瞓完晏覺起身，落街買杯咖啡醒醒神就最適合不過喇！早排見到莫可欣頭髮凌亂，一身睡衣look咁入咗麥當當買咖啡，未執齊啲眼耳口鼻仲要啱啱瞓醒咁款，最好就戴返副黑超遮一遮，話曬老公係男神，自己都係港姐。不過雙下巴就真係無計喇，除非戴面堅尼囉。
其實睡衣look都有個好處，就係夠飄逸夠鬆身，睇落都無以前咁肥大粗壯，定係莫可欣堅係有keep fit呢？睇怕就無喇，事關隔兩日又撞見莫可欣，又係見到佢買飲品，當然唔會係水啦，似乎佢係無糖不歡喎。咁樣飲高糖份嘅飲品法，再努力keep
fit效果都唔會顯著啦。Any肥，呢日莫可欣出街終於執返曬啲眼耳口鼻喇，所以黑超都變埋做裝飾，掛喺頭上就足夠。至於睡衣look變為熱褲曬腿..
嗯，都幾壯健有力吖。本文來源：http://nextplus.nextmedia.com/news/latest/20171030/556321